"Направи чекор, сознај ги своите права!" - младинскиот настан е дело на сите членови на организацијата Центар за Регионален Одржлив Развој со поддршка од Младински Образовен Форум - МОФ! Како трета активност од овој настан е Флешмоб изведен на различни локации во градот (градски пазар, градски плоштад, стара чаршија, итн) се со цел да ги запознаат граѓаните со човековите права а воедно и да ги охрабрат истите за нивна заштита. Флешмобот имаше доста добар резултат пред се поради пазарниот ден во градот и големата излезеност на граѓаните од општина Неготино. Направи чекор, сознај ги своите права!, претставува акција која има за цел промоција и актуелизација на човековите права , како и механизмите за заштита на човековите права. Пораката на оваа акција е: Земајќи во обзир дека сите ние се раѓаме еднакви со основното право за живот од тоа произлегуваат сите други права кои се клучни за наше интегрирање во општеството. Ова повлекува битен сегмент од нашата обврска како граѓанин а воедно и правата кои се наметнуваат со тоа. Пораката која треба да биде пренесена е дека човековите права се едни од најважните алатки за секојдневно живеење и творење во заедницата. Со преземање на обвсрка и само еден чекор за измени може да се увидат големи промени кои се битни за секој еден граѓанин дел од од оваа општество. Промоцијата и заштита на Човековите Права се само почеток од едно поглавје кое може да биде длабоко проучувано и промовирано од сите нас.