На 14 и 15 август во Неготино се одржа првиот регионален дебатен турнир „Неготино 2015“.
Во овие 2 дена дебатираа млади средношколци кои се членови на МОФ дебатните клубови во 3 градови: Кратово, Велес и Неготино. На овој турнир учествуваа 18 дебатери, 7 судии кои  ги оценуваа нашите дебатери  и 4 стафери кои се погрижија турнирот да се одвива во најдобар ред.

Како локација за турнирот е избран манастирот „Св. Ѓорѓи“ во Неготино како место опкружено со природа и убавина и како средина во која дебатерите можат да се концентрираат на самата теза. Овој турнир имаше 4 рунди од кои 2 беа на веќе зададената теза: „Овој дом би наметнал демократија“, додека другите 2 рунди беа на импромпту тези зададени пред да започне самата дебата.

Големото финале на регионалниот турнир се одржа на 15 август (сабота) во собраниската сала на Општина Неготино со почеток во 13 часот. Поканети беа сите заинтересирани да бидат дел од нашиот турнир и заедно да ги прогласиме победниците на „Неготино 2015“.